Cara në “3D”: Ky është momenti më i favorshëm gjeopolitik për integrimin në BE

Politikë | 12 muaj më parë

Deputeti i Partisë Demokratike, Igli Cara, komentoi hapjen e të gjitha kapitujve të negociatave për anëtarësimin e Shqipërisë në Bashkimin Europian sot në Bruksel. Në emisionin “3D” nga Alban Dudushi në RTSH, Cara tha se kjo është një mundësi e mirë për vendin, duke shënuar një moment strategjik të favorshëm gjeopolitik.

“Tani ka edhe një punë edhe më të madhe për Shqipërinë dhe ky është një interes shumë i madh i BE. Mos të harrojmë se BE ka edhe interesa gjeopolitike dhe synon të integrojë sa më shpejt Ballkanin, duke marrë parasysh zhvillimet nga Rusia dhe lufta në Ukrainë. Ata duan që BE të jetë sa më e madhe dhe gjeopolitikisht ky është momenti më i favorshëm. Si do ta shfrytëzojmë këtë moment, do ta shohim në vijim. E përshëndesim këtë gjë”, tha Cara

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.