“Objektivi i tij nuk duhet të jetë fitimi i Topit të Artë, por fitimi i trofeve dhe e ka bërë këtë. A do të kishim fituar pesë tituj vitin e kaluar pa të? Nuk mendoj kështu”. Kështu, në prag të ndeshjes së Premier League kundër Luton që e pret Manchester Cityn e tij, Pep Guardiola mbron Erling Haaland që mbeti pa gol dhe që bëri një paraqitje zhgënjyese në barazimin piroteknik 3-3 në fushën e Real Madrid në ndeshjen e parë çerekfinale të Champions League.

“Haaland është i ri – tha trajneri i City-t në lidhje me qendërsulmuesin norvegjez 23-vjeçar -, ai ka hapësirë ​​për t’u përmirësuar, por përmirësimi është më shumë çështje e ekipit sesa e individit. Nuk u përfshi në Madrid? Ne shënuam tre gola, kishte dy qendërmbrojtës që e mbuluan, nuk është e lehtë. Është pozicioni më i vështirë në fushë,  e gjen veten një kundër dy dhe këta të dy janë mbrojtës të shkëlqyer”.

Guardiola më pas merret me rastin Rodri, të cilin ai pranoi se duhet ta lejojë të pushojë. “Nëse një lojtar nuk dëshiron të luajë, ai nuk do të luajë”, tha trajneri katalanas në lidhje me 27-vjeçarin spanjoll. Rodri ka humbur vetëm 4 ndeshje deri më tani, të gjitha për shkak të skualifikimit dhe të gjitha të humbura nga City: “Nëse shikoni ndeshjet tona mund të kuptoni se sa e rëndësishme është për cilësinë që na jep. Më shumë se një çështje fizike, është një çështje energjie mendore. Duke luajtur çdo tri ditë është e qartë se ai është i lodhur, në ndeshjet e fundit kam pasur ndjenjën se të gjithë jemi pak të lodhur”.