Daku shënon gol në Rusi, Rubin Kazan merr fitoren e parë në kampionat

Futboll Bota | 3 muaj më parë

Sirenat e Spartakut të Moskës nuk kanë shpërqëndruar Mirlind Dakun. Sulmuesi i Rubin Kazan ka gjetur golin e parë në sezonin e ri të Premier League ruse në javën e dytë të këtij turneu.

Sulmuesi shqiptar ka qenë autori i golit të dytë të Rubin Kazan, i cili fitoi në transfertë 2-1 përballë Akron Togliatti.

Daku përfitoi nga një pasim i gabuar në zonën e kundërshtare të mbrojtëse të ekipit në fjalë duke u kthyer rrufeshëm drejt portës rivale për të shënuar golin e dytë, i cili do të kishte vlerën e tri pikëve.

Me këtë performancë Daku konfirmoi momentin e mirë si dhe famën e goleadorit, e cila duket se do të shtyjë Spartakun e Moskës për të paguar 11 milionë euro për shërbimet e sulmuesit. A.V.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.