Sekretari i për Marrëdhëniet me Publikun në Partinë Demokratike Edvin Kulluri ka debatuar me gazetaren Anila Basha në emisionin “3D” të Alban Dudushit në RTSH 1 mbi marrëveshjen e fundit midis mazhorancës dhe Rithemelimit.

Duke iu referuar faktit se Rithemelimi ka lëvizur duke ndërmarrë këtë aksion politik, gazetarja Basha dhe moderatori Dudushi i janë drejtuar Kullurit se çfarë ka bërë deri më sot opozita e Bashës, ndërsa ky i fundit iu përgjigj se loja e Berishës është në një fushë me baltë.

Debati në studio:

Anila Basha: Çfarë keni bërë ju në Parlament, që këta kanë bërë gjithë atë rrëmujë?

Edvin Kulluri: Po diskutojmë për çështjen apo do diskutojmë për këtë?

Alban Dudushi: E pranojmë për një moment që Rithemelimi dhe Gazment Bardhi kanë bërë një autogol me këtë marrëveshje…

Edvin Kulluri: Për mua po!

Alban Dudushi: Dakord, e pranojmë, por ama janë duke luajtur në fushë, por ju ku jeni?

Edvin Kulluri: Në cilën fushë?

Alban Dudushi: Në atë fushë…

Edvin Kulluri: Ore është fushë me baltë që nuk ecën topi

Anila Basha: Ky është parlamenti, këto janë institucionet

Edvin Kulluri: Po merrem me thelbin e çështjes, ti më thua kush është çuar nga një karrige…

Sami Neza: Doktori ka shkuar te vendi i vet!

Edvin Kulluri: Po, Doktori ka shkuar te vendi i vet, te Partia Socialiste. Shumë mirë, edhe ai te Edi Rama ka shkuar. Është kthyer në origjinë!

/rtsh.al/