Deputeti Hassan Ghashghavi ka deklaruar se ndërmjetësit po përpiqen të ringjallin një marrëveshje që pezulloi përkohësisht luftën mes Iranit dhe Shteteve të Bashkuara në muajin qershor.

Hassan Ghashghavi, zëdhënës i komisionit të sigurisë kombëtare të parlamentit, deklaroi në një intervistë video se “ka një përpjekje në vazhdim për të ringjallur marrëveshjen 14-pikëshe të Islamabadit, veçanërisht nga ana e ndërmjetësve”.

“Ata e dinë se çështja kryesore dhe, në fakt, çelësi i problemit tani është çështja e Ngushticës së Hormuzit, prandaj po, ka shkëmbim opinionesh,” tha ai, transmeton Al Jazeera.

Marrëveshja, e njohur si memorandumi i mirëkuptimit i Islamabadit, u arrit me përfshirjen e fqinjit iranian në Gjirin, Katarit, dhe fqinjit lindor, Pakistanit, me seanca negociatash të mbajtura në Islamabad, pa përfshirjen e Izraelit.

/rtsh.al/