Një çift bashkëshortesh është arrestuar në Mirditë, pasi akuzohen se kanë dhënë dëshmi të rreme në proces gjyqësor për një vrasje të kryer në vitin 1997.

Gjatë seancës gjyqësore të zhvilluar ditën e djeshme, 14 tetor, motra e autorit të vrasjes, Valbona Prenga dhe bashkëshorti i saj, Agustin Prenga, dhanë dëshmi të rreme duke rënë në kontradiktë me dëshminë e tyre të mëparshme.

Ngjarja bëhej fjalë për një vrasje të ndodhur në 1997 në fshatin Rrasfik të Mirditës, ku autori GJ.L. ka vrarë me armë zjarri, motrën dhe bashkëshortin e saj, gjatë një konflikti për motive të dobëta.

Aktualisht autori po vuan dënimin me burgim të përjetshëm, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit”. 

Në pranga përfundoi Valbona Prenga, 53 vjeçe, dhe Agustin Prenga, 57 vjeç, për veprën penale “Dëshmia e rreme”.   

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

/rtsh.al/