Dhunoi bashkëshortin e gjyqtares që po gjykonte procesin ndaj tij, ekstradohet nga Gjermania 38-vjeçari

Aktualitet | 1 vit më parë

Është ekstraduar nga Gjermania një 38-vjeçar, pasi akuzohet se ka dhunuara bashkëshortin e gjyqtares që po ndiqte procesin gjyqësor ndaj tij.

Ngjarja ka ndodhur në vitin 2019, ku 38-vjeçari F. B. alias F. Z., dhunoi dhe kanosi me armë zjarri shtetasin K. P., bashkëshort i gjyqtares që gjykonte procesin kundër grupit kriminal ku bënte pjesë dhe ai.

Në vitin 2024, GJKKO i ka caktuar masën e sigurisë “Arrest në burg”, për veprën penale “Goditjet ndaj pjesëtarëve të familjes së personit që kryen një detyrë shtetërore”, kryer në kuadër të grupit të strukturuar kriminal.

Ky shtetas iu dorëzua Drejtorisë së Përgjithshme të Burgjeve, me qëllim kryerjen e veprimeve të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.