Dibër/ Flakët i afrohen banesave në Lurë, era e fortë vështirëson betejën me zjarrin

Aktualitet | 2 muaj më parë

Momente tensioni në zonën e përfshirë nga zjarri në Dibër, ku flakët janë afruar deri pranë dy banesave. Ndërhyrja e forcave në terren ka bërë që rreziku për shtëpitë të largohet për momentin, por situata mbetet problematike.

Era e fortë po favorizon përhapjen e zjarrit dhe po vështirëson përpjekjet për ta vënë nën kontroll. Në terren po punohet për hapjen e një vije ndarëse, me synim ndalimin e avancimit të flakëve.

Në operacion janë angazhuar zjarrfikës, strukturat e Emergjencave Civile të Bashkisë Dibër, Policia e Shtetit, punonjës të Zonave të Mbrojtura, vullnetarë dhe familjarë.

Ndërkohë, pritet që në operacion të angazhohen edhe avionët për shuarjen e zjarrit dhe trupa të Forcave të Armatosura, për të përforcuar përpjekjet për izolimin e flakëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.