Teatri Kombëtar Eksperimental “Kujtim Spahivogli” sjell premierën “Djali” të autorit Florian Zeller, “Djali” sjell një dramë të fuqishme familjare për një adoleshent, që përballet me depresionin dhe pasojat e divorcit të prindërve.

Një rrëfim i dhimbshëm për dashurinë, fajësinë dhe rëndësinë e komunikimit vjen  mbrëmjen e 29 janarit në skenën e Teatrit Kombëtar Eksperimental “Kujtim Spahivogli”.  Vepra teatrore vjen në skenë me regji nga Fatos Berisha, një prej regjisorëve të njohur nga Kosova.

“Si proces sipas mendimit tim ka qenë i jashtëzakonshëm me një super ekip të aktorëve, me një teatër shumë të përshtatshëm për këtë lloj shfaqje dhe mezi pres ta prezantojmë para publikut”, u shpreh Berisha.

“Vepra është reale dhe ua këshilloj prindërve”, u shpreh aktorja Egla Ceno.

“Djali” nga Florian Zeller është premiera e parë për këtë vit në skenën e teatrit kombëtar eksperimental.

/rtsh.al/