Drita eliminohet nga Champions, dorëzohet përballë Copenhagen

UEFA Champions League | 1 vit më parë

Skuadra kampione e Kosovës, Drita e Gjilanit është eliminuar nga Champions League në raundin e dytë pas përballjes së dyfishtë me danezët e Copenhagen.

Pas humbjes 2-0 një javë më parë në Danimarkë, gjilanasit janë mundur dhe në ndeshjen e kthimit të martën në mbrëmje, 0-1 në “Fadil Vokrri”, gol i Cornelius në minuën e 43-të.

Drita në këtë sfidë luajti me një lojtar më pak që nga minuta e 27-të pas përjashtimit të sulmuesit të krahut, Liridon Balaj.

Copenhagen kalon në raundin e tretë të Champions League, ndërsa Drita do të zbresë në Europa League ku në raundin e tretë do të përballet me humbsin e sfidës FCSB-Shkëndija.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.