Dumfries, Lautaro, Calhanoglu e Pio, Interi nuk gabon

UEFA Champions League | 1 vit më parë

Gjithçka e lehtë për Interin në raundin e tretë të Ligës së Kampionëve. Zikaltërit mposhtën Union Saint-Gilloise 4-0 dhe mbeten me pikë të plota(9 pikë).

Italianët patën një nisje tronditëse, me Sommer që u detyrua të bënte dy pritje të shkëlqyera ndaj David dhe Rasmussen, dhe Lautaro që ndërhyri në vijën e finishit për të shmangur rrezikun që vinte nga Burgess.

Ndërsa minutat kalonin, zikaltërit u forcuan, me Espositon që dështoi të shfrytëzonte dy raste të mira, por drejt fundit të pjesës së parë, ndeshja ndryshoi në favor të tyre. Dumfries zhbllokoi sfidën në minutën e 41-të, ndërsa Lautaro(46′) dyfisho shifrat.

Në minutën e 53-të, Calhanoglu vulosi fitoren me një penallti perfekte të akorduar nga VAR. Esposito në minutën e 76-të kompletoi “pokerin” duke shënuar golin e tij të parë në Ligën e Kampionëve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.