Durrës/ Përplaset me 4 mjete gjatë arratisjes nga policia, i kërkuari largohet nga vendngjarja

Aktualitet | 4 muaj më parë

Një person i shpallur në kërkim është përfshirë në një aksident rrugor mesditën e sotme pranë tregut të Fruta-Perimeve në Durrës, gjatë kohës që po ndiqej nga forcat e policisë.

Sipas informacioneve paraprake, gjatë tentativës për t’iu shmangur arrestimit, drejtuesi i automjetit është përplasur me katër mjete të tjera që ndodheshin në qarkullim.

Pas aksidentit, i dyshuari ka braktisur automjetin dhe është larguar nga vendngjarja në këmbë.

Forcat e policisë kanë ngritur pika kontrolli në zona të ndryshme të qytetit dhe vijojnë kërkimet për kapjen e tij. Ndërkohë, po hetohen rrethanat e plota të ngjarjes dhe dëmet e shkaktuara nga aksidenti.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.