Dy mjete përplasen në Fier, përmbyset kamionçina, plagoset pasagjeri

Aktualitet | 4 muaj më parë

Një aksident është regjistruar pasditen e kësaj të premteje në aksin e vjetër Fier–Vlorë, në vendin e njohur si “Kthesa e Qarrit”, ku janë përplasur një automjet tip BMË dhe një kamionçinë e ngarkuar me ushqim për bagëti.

Si pasojë e përplasjes, kamionçina është përmbysur në rrugë, ku ka mbetur i plagosur dhe pasagjeri.

I plagosuri është transportuar drejt Spitalit Rajonal Fier, ku po merr ndihmën e nevojshme mjekësore.

Në vendngjarje kanë mbërritur shërbimet e Policisë, të cilat kanë nisur veprimet hetimore për të zbardhur rrethanat dhe shkaqet e përplasjes.

Ndërkohë, efektivët po punojnë edhe për normalizimin e qarkullimit në këtë segment rrugor, ku për shkak të aksidentit janë krijuar vështirësi të përkohshme në lëvizjen e automjeteve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.