Shkolla profesionale Shërbime në Korçë ka përmbyllur javën e praktikave profesionale me një aktivitet të realizuar nga nxënësit e drejtimit Dizenjim Mode. Përmes një ekspozite janë prezantuar veshjet e realizuara nga vetë nxënësit, çka ka treguar edhe aftësitë e fituara gjatë orëve mësimore teorike e praktike.

“Jemi duke mbyllur javën profesionale me praktika. Një aktivitet shumë interesant këtu në ambientet e shkollës nga nxënësit dizenjim mode do të na prezantohen në punime te realizuraprej tyre në repartin e praktikave. Janë vajza dhe zonja që pasi kanë mbaruar një arsimim kanë ardhur të marrin një profesion”, tha Tatjana Mero, Drejtore e shkollës profesionale Shërbime.

Nxënësit sollën veshje të traditës të kombinuara me modernen, ndërsa mendojnë që aktivitete të tilla të kthehen në traditë.

Praktikat profesionale janë mjaft të rëndësishme për nxënësit e drejtimit Dizenjim Mode për shkak të njohjes nga afër me proceset e punës, si dhe njohjen me tregun e punës.

/rtsh.al/