Një ekspozitë me materiale e foto nga dita e çlirimit të Korçës është çelur te Qoshka e koleksionistëve në pazarin e vjetër.

Koleksionisti Mirgen Shamblli tregon se kjo ekspozitë përfshin ditën e parë të çlirimit, momente festive, buletinin e luftës, por edhe programin e radio Korçës në këtë ditë të parë të çlirimit të qytetit.

“ Janë materiale nga cclirimi i qytetit. Është dita e parë e cclirimit, momente festive në qytet. Gjithashtu kemi dhe trakte që janë shpërndarë në atë kohë. Është buletini i Luftës Nacional Çlilirmtare dhë shumë materiale të ndryshme. Këtu kemi dhe materiale nga Radio Korça dhe programet e asaj dite.  Pra është një ekzspozit me larmi tematikash dhe materialesh“ u shreh koleksionisti Mirgen Shamblli.

Koleksionisti ka edhe një apel për emetimin e një pulle me ditën e çlirimit të Korçës.

“I bëj një thirrje dhe Postës Shqiptare që të emetojë një pullë me ditën e çlirimit të Korçës.“

Ekspozita do të qëndrojë e hapur për disa ditë me radhë për të gjithë qytetarët e vizitorët e interesuar për tu njohur me faktet, dokumentat e fotot e prezantuara.

Gazetare: K. Koçi