Europa League: U eliminua nga Manchester United, Bilbao proteston për arbitrimin

Sport | 1 vit më parë

Polemika në Spanjë për arbitrimin e Manchester United-Athletic Bilbao, gjysmëfinalja e Europa League e luajtur në Old Trafford dhe e humbur nga baskët 4-1.

Mediat spanjolle po rilançojnë imazhin e dëmtimit që ka pësuar mesfushori Benat Prados pas një goditjeje të dhënë nga Victor Lindelof.

Pas faullit, mesfushori i Bilbaos u desh të linte ndeshjen në minutën e 73-të për t’iu nënshtruar trajtimit mjekësor. Prados luajti për 10 minuta dhe ekipi i tij po fitonte 1-0. Arbitri gjerman Daniel Siebert nuk e ndëshkoi as me të verdhë ndërhyrjen ndërsa mysafirët kërkuan karton të kuq dhe ndërhyrjen e VAR-it.

Lojtari i klubit bask postoi imazhe të dëmtimit, i gjakosur dhe kishte një plagë të thellë të hapur.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.