Punë, sakrificë dhe… fat. Spanja u kualifikua për në gjysmëfinalet e Europianit të Femrave duke mposhtur Zvicrën me rezultatin 2-0. Kampionet e Botës, jo pa vështirësi, arritën të mposhtin organizatorët e turneut me golat e Athenea 66′ dhe Pina 71′

Një ndeshje emocionuese ajo e zhvilluar në Stadion Ëankdorf(Bern), që erdhi për shikuesit në ekranin e RTSH. Pas një pjese të parë pa gola, zviceranet iu dorëzuan presionit të pamëshirshëm të kundërshtarit. La Roja dominoi gjatë gjithë ndeshjes, me Athenea dhe Clàudia Pina që bënë diferencën.

Vendaset ofruan rezistencë të admirueshme kundër Spanjës, duke i mbajtur kundërshtaret nën kontroll dhe duke u përpjekur të krijonin raste. Përpjekjet e tyre nuk ishin të mjaftueshme.

Megjithatë, dolën me kokën lart, pasi bënë histori duke arritur në çerekfinalet e EURO-s për femra për herë të parë.

Ndërsa Zvicra ndalet këtu, Spanja ëndërron duke pritur fituesin e Francë-Gjermani.