Fenomeni shqiptar në Eurovision, Alis pushton rrjetin, Nân videoja më e ndjekur në Instagram
Kënga “Nân” ka regjistruar një sukses të madh në rrjetet sociale, duke thyer rekorde shikueshmërie në faqen zyrtare të Eurovision në Instagram.
Performanca e artistit Alis ka arritur mbi 4.5 milionë shikime në këtë platformë, duke u renditur mes videove më të ndjekura dhe më të pëlqyera të këtij edicioni.
Sipas të dhënave të publikuara në Instagramin e Eurovisionit, “Nân” kryeson në raport me këngët e tjera pjesëmarrëse, ndërsa në vendin e dytë për nga klikueshmëria renditet kënga Eclipse e Australisë.
Me një interpretim vokal të fuqishëm dhe thellësisht emocional, Alis elektrizoi arenën e Wiener Stadthalle në natën e dytë gjysmëfinale, duke i siguruar Shqipërisë biletën për në natën e shumëpritur të së shtunës (16 maj).
Kënga “Nân” bëri jehonë dhe në mediat ndërkombëtare. BBC vlerëroi performancën e Shqipërisë në Eurovision, duke e cilësuar interpretimin e Alis si emocional dhe të paharrueshëm.
Media prestigjioze shkoi edhe më tej, duke u futur në thelbin që kënga përcjell. Ajo vlerësoi ‘Nân” për mesazhin e thellë që përcjell te publiku, teksa thekson se këngëtari Alis Kallaçi pushtoi skenën e Wiener Stadthalle me performacën e tij.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
