Festat e fundvitit, rriten masat e sigurisë në Vlorë. Policia aksion në kontrollin e mjeteve të dyshimta

Aktualitet | 11 muaj më parë

Në kuadër të rritjes së masave të sigurisë për festat e fundvitit, policia e Vlorës ka zhvilluar mbrëmjen e sotme një aksion të gjerë kontrollesh në të gjithë qytetin.

Gjatë operacionit janë kontrolluar mjete të dyshimta në hyrje-daljet e qytetit, si edhe në pika të ndryshme me qarkullim të lartë. Policia ka synuar parandalimin e ngjarjeve të mundshme dhe garantimin e një mjedisi sa më të sigurt për qytetarët dhe vizitorët.

Kontrollet pritet të vijojnë edhe në ditët në vijim, ndërsa autoritetet theksojnë se këto masa janë pjesë e planit të posaçëm për sezonin festiv, me qëllim ruajtjen e rendit dhe qetësisë publike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.