Shqip
English
Français
Deutsch
Ελληνικά
Italiano
Srpski
TürkçeFestivali i Filmit me metrazh të shkurtër në Korçë – 81 filma nga 40 vende të botës nga 9-13 shtator
Festivali Ndërkombëtar i Filmit të Shkurtër vjen edhe këtë vit në Korçë. Për 5 netë me radhë, në kinemanë “Majestik” do të shfaqen 81 filma nga 40 vende të ndryshme të botës.
Drejtori i Festivalit Gledis Bica thotë se këtë vit ka një sërë kategori filmash ndërsa tematika e Festivalit është ajo e zhvendosjes, migrimit.
“Këtë vit janë rreth 81 filma të përzgjedhur që do të shfaqen gjatë të gjithë ditëve të festivalit nga 40 shtete të ndryshme. Ka një larmishmëri temash. Tema e festivalit këtë vit është për imigrimin”, u shpreh Bica.
Risi e këtij viti do të jetë shfaqja e filmit eksperimental.
“Kemi futur për herë të parë kompeticionin e filmit eksperimental”, tha ai.
Një juri prej 6 anëtarësh do të vlerësojë filmat për të cilët në fund do të ndahen edhe çmimet. Festivali do të çelet në kinemanë e qytetit.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Skënderbeu, trajneri Ahmataj: Një krosim në zonë dhe… pësuam gol
Më të lexuarat
