Final 4 për vajza ul siparin të premten. Vllaznia – Apolonia, finalja e madhe për trofeun e kampionatit

Futboll Vendi | 5 muaj më parë

Vllaznia dhe Apolonia do të përballen të premten e 29 majit në finalen e madhe të fazës “Final 4” për vajza, sfidë që do të përcaktojë edhe skuadrën kampione të edicionit 2025/2026.

Takimi do të zhvillohet në stadiumin “Selman Stërmasi”, duke nisur nga ora 16:00. Vllaznia vjen në këtë finale si kampionia në fuqi dhe me një sezon mjaft të mirë, ndërsa Apolonia synon të kurorëzojë një edicion pozitiv me fitimin e trofeut. Të dyja skuadrat kanë treguar nivel të lartë gjatë gjithë kampionatit dhe premtojnë një finale të luftuar deri në minutën e fundit.

Cila skuadër do të ngrejë trofeun e kampiones? Gjithçka do të vendoset të premten në stadiumin “Selman Stërmasi”.

Ndërkaq, të enjten në oren 17:00 në “Shtëpinë e Futbollit” do të luhet finalja për vendin e tretë/katërt të sezonit futbollistik mes Gramshit dhe Teutës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.