Klubi i Tiranës ka zyrtarizuar orarin dhe stadiumin ku do të luhet sfida e Play Out-it kundër Pogradecit, që do të vendosë se cila nga këto dy skuadra do të luajë në elitën e futbollit shqiptar sezonin e ardhshëm.

Kjo finale do të luhet të dielën e 4 majit në orën 18:00 në stadiumin “Elbasan Arena”. Tirana mbylli sezonin në vendin e 8-të në Abissnet Superiore, ndërsa Pogradeci u rendit i 5-ti në Kategorinë e Parë. Liqenorët dominuan ndeshjet e Play Off-it në Kategorinë e Parë duke eliminuar Burrelin dhe Besën.

Ka mbetur edhe një ndeshje vendimtare, që do të vendosë fatin e dy skuadrave për sezonin e ri. Fituesi do të luajë në elitë, ndërsa humbësi në Kategorinë e Parë. Sipas rregullores nëse koha e rregullt përfundon në barazim, atëherë luhet koha shtesë dhe nëse pas kohës shtesë nuk ka fitues, atëherë do të jenë penalltitë ato që do të vendosin ekipin fitues.

Sfida Tirana-Pogradeci do të transmetohet drejtpërdrejt në rrjetin e Radio Televizionit Shqiptar.