Holanda ka mundur 3-1 Tunizinë në ndeshjen e vlefshme për xhiron e tretë dhe të fundit të Grupit F të Botërorit. “Tulipanët” e mbyllin grupin në vend të parë, në kuotën e 7 pikëve, dhe në fazën e 1/16-ve do të përballen me Marokun.

Nisje sprint e kombëtares së drejtuar nga Koeman, që zhbllokoi rezultatin që në minutën e 3-të, pas autogolit të Skhiri. Pak minuta më pas dyfishoi Brobbey. Në pjesën e dytë Mastouri shkurtoi diferencën në 2-1, pastaj van Hecke fiksoi rezultatin përfundimtar në 3-1.

Përfundoi në barazim 1-1 sfida në Arlington mes Japonisë dhe Suedisë, ku ndodhi gjithçka në pjesën e dytë. Maeda kaloi në avantazh skuadrën aziatike, disa minuta më pas Elanga barazoi shifrat, duke e projektuar Suedinë në 1/16-at si e treta e grupit.

Japonia e ka mbyllur grupin në vend të dytë dhe në fazën tjetër do të ketë përballë një emër të madh si Brazili.