Flamurtari dhe Tirana, barazimi që nuk bën punë

Abissnet Superiore | 11 muaj më parë

Flamurtari dhe Tirana nuk kanë shkuar më shumë se një barazim 1-1 në ndeshjen e javës së 12-të të “Abissnet Superiore”, një sfidë që erdhi për shikuesit në ekranin e RTSH Sport.

Në stadiumin “Flamurtari”, vlonjatët krijuan shumë raste në pjesën e parë dhe arritën të zhbllokojnë sfidën në minutën e 37-të me anë të Maksutit. Në pjesën e dytë, minuta e 75-të, bardheblutë vendosën barazpeshën me anë të Junior.

Në minutat në vazhdim, përpjekjet për të arritur te goli nuk munguan, por rezultati 1-1 mbeti i pandryshuar deri në sinjalizimin e fundit.

Një barazim që nuk bën punë për asnjërën nga dy skuadrat, që mbeten në fundin e tabelës: Flamurtari në vend të 9 me 9 pikë, Tirana në vend të 10 me 7 pikë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.