Forca Ajrore i vjen në ndihmë një shtetasi nga Kosova, u pickua nga gjarpri në Curraj të Epërm

Aktualitet | 1 vit më parë

Forca Ajrore i ka ardhur në ndihmë një shtetasi nga Kosova, i cili u pickua nga një gjarpër helmues i llojit nepërkë, në zonën malore të Currajve të Epërm, në Tropojë.

Ngjarja ka ndodhur ditën e djeshme, rreth orës 14:30, në një terren të vështirë malor, në shtegun që lidh Currajt e Poshtëm me Currajt e Epërm, rreth një kilometër larg nga Rrasa e Çurrajve.

Pas marrjes së njoftimit nga Ekipi i Kërkim–Shpëtimit të Kosovës, Forca Ajrore u aktivizua menjëherë dhe, në bashkëpunim me autoritetet vendore, realizoi transportimin e të lënduarit drejt spitalit të Bajram Currit.

Falë ndërhyrjes së shpejtë të helikopterit të Forcës Ajrore, shtetasi nga Kosova u dërgua në spital në kohë dhe aktualisht ndodhet në gjendje të stabilizuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.