Forcat operacionale kryejnë kontroll të befasishëm në paraburgimin e Vlorës

Aktualitet | 6 muaj më parë

Një aksion i papritur është zhvilluar këtë mëngjes në ambientet e paraburgimit të Vlorës.

Forcat operacionale, së bashku me përfaqësues të Drejtorisë së Administrimit të Burgjeve (DAP), kanë mbërritur rreth 20 minuta më parë në institucionin e vuajtjes së dënimit, duke kryer një kontroll të imtësishëm brenda ambienteve të brendshme.

Burime nga vendngjarja bëjnë me dije se operacioni ka për qëllim verifikimin e kushteve dhe evidentimin e sendeve të paligjshme, si telefona apo mjete të tjera të ndaluara.

Gazetarja e RTSH, Afrovita Hysaj, raporton se ky aksion është pjesë e masave për rritjen e sigurisë dhe disiplinës në institucionet e vuajtjes së dënimit.

Ende nuk dihen arsyet konkrete që çuan në ndërmarrjen e këtij kontrolli, por pritet që në vijim të ketë më shumë detaje lidhur me operacionin dhe gjetjet eventuale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.