FOTOT- E diela sjell fluks të lartë pushuesish në Shëngjin, trafik i rënduar deri në Milot

Aktualitet | 1 vit më parë

Kjo e diel ka shënuar një fluks të lartë pushuesish drejt bregdetit të Shëngjinit, duke sjellë si pasojë një rëndim të ndjeshëm të trafikut rrugor në zonë. Sipas gazetarit të RTSH 24 në Lezhë, dalja masive nga plazhi në orët e pasdites ka shkaktuar bllokime dhe vonesa që nga zona e Ranës së Hedhun e deri tek kryqëzimi hyrës i Shëngjinit.

Rrjedhimisht, trafiku i rënduar vijon edhe përgjatë segmentit rrugor Shëngjin-Milot, duke testuar durimin e drejtuesve të mjeteve dhe duke zgjatur kohën e kthimit për mijëra pushues. Kjo situatë është tipike për fundjavat me mot të mirë gjatë sezonit veror, ku kërkesa për plazhet e Shëngjinit rritet ndjeshëm.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.