Franca do të ndalojë pirjen e duhanit në të gjitha ambientet e jashtme që mund të frekuentohen nga fëmijët, ka thënë ministrja e shëndetësisë dhe familjes Catherine Vautrin.

Ndalimi do të hyjë në fuqi më 1 korrik dhe do të përfshijë plazhet, parqet, kopshte publike, jashtë shkollave, stacione autobusi dhe ambiente sportive.

“Duhani duhet të zhduket aty ku ka fëmijë,” tha Vautrin në një intervistë të botuar nga e përditshmja Ouest-France.

Vautrin shtoi se “liria për të pirë duhan duhet të përfundojë aty ku fillon liria e fëmijëve për të thithur ajër të pastër”. Vautrin shpjegoi se thyerja e rregullave do të dënohet me gjobë prej 135 eurosh.

Sipas Qendrës Franceze të Monitorimit të Drogës dhe Varësisë nga Droga, 23.1% e popullsisë franceze pi duhan çdo ditë, përqindja më e ulët e regjistruar ndonjëherë dhe një rënie prej mbi pesë pikësh që nga viti 2014.

Komiteti Kombëtar Kundër Duhanpirjes i Francës thotë se më shumë se 75,000 duhanpirësit vdesin çdo vit nga sëmundjet e lidhura me duhanin, 13% e të gjitha vdekjeve.

Pirja e duhanit në institucione si restorante dhe klubet e natës është ndaluar në Francë që nga viti 2008.

Masat e përhapura për të ndaluar pirjen e duhanit në plazhe, parqe dhe vende të tjera publike kishin për qëllim të fillonin në vitin 2024, por dekreti i nevojshëm nuk u miratua kurrë.

Megjithatë, më shumë se 1,500 komuna tashmë kanë ndaluar vullnetarisht pirjen e duhanit në vende publike.

/rtsh.al/