Ish-lojtari i njohur ka fituar 3 Champions radhazi me Real Madrid si trajner. Talenti nuk mungon, por “Bleus” duhen ribërë për të gjetur ekuilibrin.

Tani Zizou. Vetëm Zizou. Të gjithë duan Zizou. Kurrë Franca nuk e ka pritur një trajner si Zinedine Zidane, më i madhi pas Michel Platini dhe trajner fitues i Real Madrid në periudhën 2016-2021.

“E di emrin e pasuesit të Deschamps, por nuk mund ta them”, – u shpreh muaj më parë presidenti federal, Philippe Diallo. Dhe të gjithë e kuptuan se referimi ishte Zidane. Cikli i Deschamps ishte mbyllur, pavarësisht gjysmëfinales së humbur, pas 14 vitesh të jashtëzkonshme. Franca nuk mund të gjendej e papërgatitur.

Është vetëm çështje kohe, ndoshta ditësh, zyrtarizimi i Zidane në krye të “Gjelave”. Ai është kandidati i vetëm. “Ndihem gati”, – ka thënë vetë Zizou pak kohë më parë. Për herë të fundit ka drejtuar në vitin 2021, kur la Real Madrid pas 6 sezonesh si fitues. Karizmatik dhe një menaxhim tekniko-taktik mjaft i mirë.