Mali i Moravës, që ngrihet hijshëm pranë qytetit të Korçës, është një nga destinacionet më të preferuara për sport dhe relaks në natyrë.

Ky mal i bukur, që ngrihet pranë qytetit, ofron një mjedis të qetë dhe natyrë të pasur, ideale për shëtitje nëpër shtigjet e gjelbëruara, vrapime, çiklizëm, ngjitjet sportive që ofrojnë një përvojë të veçantë për të pasionuarit pas aktivitetit fizik si dhe relaks në ajër të pastër.

Frekuentimi i tij ndihmon në përmirësimin e shëndetit fizik dhe mendor shprehen banorët që e frekuentojnë.

“Zakonisht në fundjavë ngjitemi këtu”, tha një qytetar.

“Është ajër i pastër, vend i bukur dhe u bëj thirrje edhe të tjerëve ta frekuentojnë”, u  shpreh një tjetër qytetar.

Gjithashtu, pamjet panoramike që ofron maja e Moravës janë mbresëlënëse dhe tërheqin shumë adhurues të fotografisë dhe natyrës.

Gazetare: Geralda Manushi

/rtsh.al/