Gjendet pas orësh kërkimesh trupi i pajetë i 68-vjeçarit që u mbyt në lumin Mat

Aktualitet | 1 vit më parë

Një ngjarje tragjike ka ndodhur këtë të premte (1 gusht) në afërsi të Urës me Harqe, në lumin Mat, ku një peshkatar 68-vjeçar është gjetur i mbytur.

Viktima është Ded Q., banues në Rubik. Ai kishte dalë për peshkim së bashku me një mikun e tij, kur rreth orës 13:40 është futur në ujë për të hedhur rrjetat dhe nuk ka dalë më në sipërfaqe.

Shoku i tij njoftoi policinë, e cila bashkë me njësinë e palombarëve të RENEA-s shkoi në vendngjarje dhe nisi kërkimet në ujë. Pas disa orësh operacion, palombarët bënë të mundur gjetjen dhe nxjerrjen nga lumi të trupit të pajetë të të moshuarit.

Trupi i viktimës është dërguar në morgun e Spitalit Rajonal të Lezhës, ku pritet të kryhet ekspertiza mjeko-ligjore për të përcaktuar shkaqet e vdekjes.

/rtsh.al/

lumi

mat

RENEA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.