Gjirokastër, 63 nxënësit ekselentë vlerësohen me certifikata mirënjohjeje

Sociale | 6 vite më parë

Bashkia e Gjirokastrës vlerësoi 63 nxënësit ekselentë me certifikata mirënjohjeje, si dhe iu dha bonusi i miratuar në Këshillin Bashkiak, nga 5 deri në 10 mijë lekë të reja për secilin prej tyre.

Kryetari i bashkisë së Gjirokastrës, Flamur Golemi tha se “këta nxënës janë krenaria më e madhe për familjet e tyre dhe për qytetin”.

“Ky vlerësim është modest në raport me shembullin e shkëlqyer që ata iu japin bashkëmoshatarëve të tyre, por i mjaftueshëm për t’i inkurajuar që të vijojnë më tej rrugën e dijes dhe shkollimit”, theksoi Golemi.

Kryebashkiaku shprehu bindjen se në të ardhmen në një formë apo në një tjetër këta djem e vajza do t’ia kthejnë mirënjohjen dhe vlerësimin Gjirokastrës me punën e talentin e tyre.

“Gjirokastra ka qenë e do të jetë vatër e dijes dhe njerëzve të mençur. Ne do të vazhdojmë të investojmë më shumë në arsim për t’i krijuar të gjitha kushtet e domosdoshme fëmijëve tanë”, – tha Golemi.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.