Gjirokastër- Zjarr mes fshatrave Golem dhe Progonat, digjen rreth 3 hektarë me shkurre dhe barishte

Aktualitet | 3 muaj më parë

Një vatër zjarri është regjistruar në kufirin ndarës mes fshatrave Golem dhe Progonat në qarkun e Gjirokastrës. Pas sinjalizimit të marrë nga Agjencia Kombëtare e Mbrojtjes Civile (AKMC), në drejtim të vendngjarjes u nis menjëherë një grup i shërbimit zjarrfikës.

Falë ndërhyrjes së shpejtë dhe punës së efektivëve zjarrfikës, zjarri u izolua dhe më pas u shua plotësisht, duke parandaluar përhapjen e mëtejshme të flakëve në territor.

Nga zjarri u përshkua një sipërfaqe prej rreth 3 hektarësh, e përbërë kryesisht nga bimësi e ulët, shkurre dhe barishte.

Shërbimi zjarrfikës vijon të qëndrojë në vendngjarje për monitorimin e territorit dhe për të shmangur çdo mundësi të riaktivizimit të vatrës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.