Gjykata Kushtetuese tërhiqet për vendim pas seancës maratonë për Veliajn, kryebashkiaku rikthehet në paraburgim

Aktualitet | 1 vit më parë

Trupi gjykues i Gjykatës Kushtetuese është tërhequr për të shpallur vendimin lidhur me kërkesën e Kryebashkiakut të Tiranës, Erion Veliaj, për shqyrtimin e ligjshmërisë së shkarkimit të tij nga detyra.

Tërheqja për vendim vjen pas një seance intensive që zgjati rreth shtatë orë, gjatë së cilës u shqyrtuan argumentet e paraqitura nga palët, përfshirë pretendimet e Veliajt për “standard të dyfishtë” në zbatimin e ligjit.

Sapo u mbyll seanca, Erion Veliaj u largua nga ambientet e Gjykatës Kushtetuese. Ai u shoqërua menjëherë nga Policia e Burgjeve, duke u nisur sërish drejt qendrës së paraburgimit në Durrës.

Ndërkohë, Kryetarja e Gjykatës Kushtetuese, Holta Zaçaj, njoftoi se data dhe ora specifike për shpalljen e vendimit do të bëhen të ditura publikisht në vijim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.