Gonxhja: Vijojnë inspektimet në plazhet e Himarës, rampë e re ekologjike për aksesin e personave me aftësi ndryshe

Aktualitet | 3 muaj më parë

Ministri i Turizmit, Kulturës dhe Sportit, Blendi Gonxhja, ka bërë të ditur se vijojnë inspektimet në plazhet e Himarës për garantimin e respektimit të hapësirave publike nga subjektet që ushtrojnë aktivitet gjatë sezonit turistik.

Në një postim në rrjetet sociale, ministri thekson se kontrollet po kryhen nga Agjencia Kombëtare e Bregdetit (AKB) në bashkëpunim me bashkitë, me synimin për të siguruar zbatimin e rregullave dhe ruajtjen e hapësirave publike në vijën bregdetare.

“Himarë – Vijojnë inspektimet nga AKB dhe bashkitë për respektimin e hapësirave publike në plazhe. Ndërkohë, një rampë ekologjike e re po përmirëson aksesin në plazhin e Himarës për personat me aftësi ndryshe, duke e bërë bregdetin më gjithëpërfshirës”, shkruan ministri.

/rtsh.al/

Blendi Gonxhe

himara

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.