Grabitet biznesi në Pogradec, autorët vjedhin 2 mln lekë dhe DVR e kamerave

Aktualitet | 6 muaj më parë

Një dyqan bulmeti është vjedhur gjatë natës në qytetin e Pogradec, në zonën e rrugës së Spitalit.

Sipas informacioneve paraprake, persona ende të paidentifikuar kanë hyrë në brendësi të njësisë së shërbimit dhe kanë vjedhur një shumë prej rreth 2 milionë lekësh, së bashku me DVR-in e kamerave të sigurisë së biznesit.

Mësohet se kjo është vjedhja e dytë brenda 5 muajve për të njëjtin biznes. Aktualisht, policia e Pogradec po sekuestron pamjet filmike të bizneseve pranë zonës, si edhe po kryen ekspertimin për gjurmët e gishtërinjve në brendësi të dyqanit.

Në të njëjtën rrugë, vetëm pak muaj më parë, u vodh edhe një argjendari, ngjarje për të cilën përfunduan në pranga dy persona.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.