Greqia shpreh solidaritet dhe kontribuon me mjete ajrore për shuarjen e zjarreve

Aktualitet | 1 vit më parë

Ambasada e Greqisë në Shqipëri ka shprehur sot solidaritetin e saj të plotë dhe mbështetjen për përballjen e Shqipërisë me situatën e zjarreve. Përmes një postimi në rrjetet sociale, ambasada bëri të ditur se Greqia po kontribuon në përpjekjet për shuarjen e flakëve me mjete ajrore zjarrfikëse.

Ky kontribut ofrohet si në kuadër të Mekanizmit Evropian të Mbrojtjes Civile, ashtu edhe nëpërmjet bashkëpunimit dypalësh. Ambasada theksoi se mendimet e tyre janë me popullin shqiptar, ndërsa situata e zjarreve po monitorohet nga afër.

Në 24 orët e fundit, në Shqipëri janë regjistruar 34 vatra aktive zjarri, nga të cilat 13 janë izoluar dhe shuar. Ndihma e Greqisë, së bashku me atë të partnerëve të tjerë, është thelbësore për të menaxhuar situatën e rënduar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.