Haxhiu: Kuvendi do të vijojë procedurën për zgjedhjen e presidentit të ri

Kosovë | 7 muaj më parë

Kryetarja e Kuvendit të Kosovës, Albulena Haxhiu, e cila aktualisht po ushtron detyrën e presidentes pas dorëheqjes së Vjosa Osmanit, ka deklaruar se Kuvendi do të ndjekë procedurat kushtetuese për zgjedhjen e presidentit të ri brenda afateve të përcaktuara.

Në një reagim në facebook, Haxhiu theksoi se mekanizmat kushtetues garantojnë vazhdimësi dhe stabilitet institucional.

“Këtë përgjegjësi do ta ushtroj me përkushtim të plotë, duke garantuar funksionim të pandërprerë të institucioneve dhe respektim të rendit kushtetues,” shkruan ajo.

Ajo shtoi se deri në përmbylljen e procesit të zgjedhjes së presidentit të ri, do të ushtrojë këtë detyrë në respekt të plotë të Kushtetutës, ligjit dhe interesit publik.

Në fund, Haxhiu falënderoi Vjosa Osmanin për shërbimin e saj ndaj vendit dhe i uroi suksese në vazhdim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.