Sulmuesi francez do të luajë ndeshjen e 8-të radhazi. Te zikaltrit është bërë pika e referimit, pas dëmtimit të Lautaro Martinez.

Marcus Thuram do të jetë titullar edhe kundër Como-s. Sepse Lautaro Martinez do të kthehet pas ndërprerjes së kampionateve dhe sepse sulmi i Interit këtë periudhë varet prej tij, pavarësisht kush është shoku i repartit (Pio Esposito apo Bonny). Sepse të enjten e ardhshme në “San Siro” vjen Franca për t’u përballur me Italinë në Nations League dhe Thuram dëshiron të luajë përpara publikut të tij me fanellën e “Bleus”, duke bindur edhe Zinedine Zidane.

Tre gola, asiste dhe një pikë referimi për shokët, në pritje të kapitenit, edhe trajneri Chivu i ka dhënë merita sulmuesit që tani duket më i pjekur. Misioni i Marcus është i dyfishtë: të mbajë Interin lart në Serie A dhe në Champions, si dhe të veshë sërish fanellën e Francës.

Kundër Como-s në mbrojtje rikthehet Bastoni, që do të bashkohet me Bisseck dhe Akanji. Në qendër të mesfushës do të jetë treshja Barella-Calhanoglu-Zielinski. Ndryshojnë krahët, me Spence që ia lë vendin Diouf, ndërsa në të majtë ka balotazh Dimarco-Carlos Augusto. Stones dhe Jones shpresojnë të grumbullohen.