Ish-drejtuesja e BKH, Aida Hajnaj, kërkon rikthimin në Policinë e Shtetit

Aktualitet | 1 vit më parë

Mësohet se ish-drejtuesja e Byrosë Kombëtare të Hetimit, Aida Hajnaj, ka paraqitur kërkesë për t’u rikthyer në radhët e Policisë së Shtetit.

Sipas burimeve për RTSH, kërkesa është depozituar menjëherë pas përfundimit të mandatit pesëvjeçar në krye të BKH-së.

Aida Hajnaj u emërua në krye të Byrosë Kombëtare të Hetimit më 30 korrik të vitit 2020 dhe u lirua nga detyra më 1 shtator.

Më herët ajo mbante pozicionin e zëvendësdrejtores së Policisë së Shtetit, funksion që mbante prej 2018-ës. Po ashtu Hajnaj ka ushtruar detyrën drejtores së Departamentit për Kufirin dhe Migracionin pranë Policisë së Shtetit.

Sa i takon drejtuesit të ri të BKH-së, drejtimin e përkohshëm të institucionit e ka marrë zëvendësdrejtori Joni Keta. Kandidatët për drejtimin e BKH janë Andi Pogaçe, Artur Beu, Elton Kërluku, Gentian Ndoi, Gentjan Shehaj, Gledis Nano dhe Joni Keta.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.