Ish-portieri i Belgjikës nxerr në ankand fanellën e Maradonës

Sporte të tjera | 2 vite më parë

Shtëpia e ankandeve “Sotheby’s” po bëhet gati për njërën prej seancave, e cila mund të kthehet në historike.

Subjekti i ankandit do të jetë fanella e Diego Armando Maradonës, i cili e ka shkëmbyer gati katër dekada më parë me gardianin e Belgjikës, Zhan Mari Pfaf.

Ylli i Argjentinës me atë fanellë ndëshkoi dy herë “Djajtë” e Belgjikës në stadiumin “Azteca” duke dërguar kështu në finalen e madhe ekipin e tij, i cili do të shpallej për herë të dytë kampion bote.

Zhan Mari Pfaf rrëfen se atë fanellë e mori në këmbim të dorezave. Sa i përket fanellës ajo ka një vlerë të madhe pasi në të dallohet qartë edhe dedikimi i bërë nga “El Diez”.

Shtëpia e ankandeve “Sotheby’s ka vendosur të nisë ankandin me çmimin 1.2 milionë dollarë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.