Një shfaqje artistike që promovon kulturën  dhe traditën e popullit kinez, u mbajt në Teatrin “Skampa” të qytetit të Elbasanit, mbrëmjen e 23 shtatorit. Kjo iniciativë në kuadër të javës kulturore kinezë, ofroi muzikë frymëzuar nga letërsia aziatike. Koncerti solli meloditë tradicionale nën interpretimin e artistëve të huaj shoqëruar nga performance e Ansamblit Kombëtar Shqiptare.

“Është hera ime e parë që vij në vendin tuaj. Është kënaqësia ime që të prezantoj kulturën edhe artin kinez. Unë jam një artiste që kam studion në Shangai dhe jap mësim në konservatorin e Francës. Shqipëria dhe Kina janë 2 popuj që kanë një histori të gjatë dhe një kulturë shumë të pasur. Ju pëlqeni këngën pikturën dhe kërcimin njëlloj si ne”, u shpreh artistja.

Ambasadorja e Kinës në Shqipëri  u shpreh se koncerte të tilla jo vetëm forcojnë miqësinë e hershme mes dy popujve, por janë një mundësi shumë e mirë që populli shqiptar të mund të njihet me Kinën bashkëkohore.

“E di që muzika është gjuha më e mirë për qytetërimin dhe njerëzimin. E di që muzika nuk ka kufij, prandaj ne dëshirojmë që mes muzikës të ngushtojmë distancën midis popujve edhe për të thelluar njohjen midis Kinës dhe Shqipërisë. E dimë që vendet tona gëzojnë një miqësi tradicionale, shumë të thellë”, tha Ambasadorja e Kinës në Shqipëri,  Pang Chunxue.

Aktiviteti  u mbështet  nga Ministria e Turizmit, Kulturës dhe Sportit, ndërsa kjo javë artistike përmbyllet me një shfaqje në Universitetin e Arteve.

/rtsh.al/