“Jehon” rikthehet në Fest 64, nderim të Dr. Floirin që reformoi muzikën urbane shqiptare

Kulturë | 11 muaj më parë

Një nga hitet më ikonike të muzikës urbane shqiptare, “Jehon” i Dr. Floirit, u rikthye në skenën e Fest 64 të Këngës, duke sjellë emocion dhe nostalgji për publikun. Kënga, e cila fitoi çmimin e tretë në Festivalin e 47-të, u interpretua me energji të re nga Fifi, Tiri dhe Young Zerka.

Ky rikthim solli një version modern dhe të freskët të një kënge që ka ndryshuar mënyrën se si është formësuar muzika urbane shqiptare, duke mbajtur gjallë trashëgiminë e Dr. Floirit.

Performanca e tre artistëve u prit me duartrokitje dhe entuziazëm, duke e bërë “Jehon” një nga momentet më të veçanta të Fest 64, që ndërthur nostalgjinë me rininë dhe freskinë e muzikës shqiptare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.