Të akuzuar për dhënie ndihme për emigrim të paligjshëm dhe vjedhje, dy të rinj ekstradohen nga Italia e Gjermania

Aktualitet | 1 vit më parë

Dy persona janë ekstraduar nga Italia dhe Gjermania për veprat penale “Ndihma për kalim të paligjshëm të kufijve” dhe “Vjedhje”.

Nga Italia është ekstradohet një 29-vjeçar i akuzuar nga GJKKO-ja, për dhënie ndihme për emigrim të kundërligjshëm drejt Mbretërisë së Bashkuar, SHBA-së dhe Kanadasë.

“29-vjeçari, lindur në Dibër, pasi në vitin 2024, Gjykata e Shkallës së Parë Kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në bashkëpunim.

Gjatë periudhës 2022-2024, shtetasi në bashkëpunim me shtetas të tjerë, iu ka dhënë ndihmë shtetasve të ndryshëm, për kalim të kundërligjshëm të kufijve, drejt Mbretërisë së Bashkuar, SHBA-së dhe Kanadasë”, thuhet në njoftim.

Ndërsa nga Gjermania, ekstradohet një 20-vjeçar, i lindur në Tiranë, pasi Gjykata e Tiranës e ka dënuar dy herë, përkatësisht me 8 muaj në vitin 2021 dhe 6 muaj burgim në vitin 2024, për veprën penale “Vjedhja”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.