Pak raste për Bellingham dhe shokët e tij, vetëm një traversë në fundin e ndeshjes ndaj ganezëve, të cilët bënë një paraqitje mjaft solide.

Përfundoi me rrjeta të paprekura ndeshja Angli-Ganë, e vlefshme për Grupin L të Botërorit 2026. Në pjesën e parë provuan Rice dhe Madueke, por pa rezultat. Trajneri Tuchel ndryshoi diçka në pjesën e dytë, por vetëm një traversë e O’Reilly për britanikët. Gana u mbrojt mjaft mirë dhe mori një pikë të çmuar. Të dyja skuadrat kryesojnë grupin me nga 4 pikë.

Futja në lojë e Saka sikur i zgjoi pak anglezët. Anësori i Arsenalit krijoi dy raste, por pa gjetur shënjestrën. Në fund “Tre Luanët” kishin rastin e artë për të fituar ndeshjen: traversë me kokë e O’Reilly, pastaj topin e kthyer Kane nuk e çoi në rrjetë, duke “ngrënë” golin që do të kishte vlerën e 3 pikëve.

Pak emocione, por Anglia dhe Gana kryesojnë grupin me pikë të barabarta, duke qenë afër kualifikimit për më tej.