Kapet në Tiranë i kërkuari ndërkombëtar, i dënuar në Itali për trafik droge dhe vjedhje

Aktualitet | 7 muaj më parë

Policia e Shtetit ka finalizuar fazën e 90-të të operacionit të koduar “Operacionalja”, duke arrestuar në Tiranë 51-vjeçarin Ylli Misku, i shpallur në kërkim ndërkombëtar nga Interpol Roma.

Ky shtetas ishte dënuar nga Gjykata e Apelit në Bolonjë, Itali, në korrik 2022, me 5 vjet, 11 muaj e 14 ditë burg për veprat penale “Trafikimi i lëndëve narkotike”, kryer në bashkëpunim, dhe “Vjedhje në rrethana rënduese”.

Arrestimi i tij u krye me qëllim ekstradimi drejt Italisë, ndërsa Policia e Shtetit thekson se operacionet për kapjen e personave të shpallur në kërkim ndërkombëtar do të vijojnë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.