Kryeministri i ri i Groenlandës, Jens-Frederik Nielsen, ka deklaruar se Shtetet e Bashkuara të Amerikës nuk do e marrin territorin e tyre. Reagimi i kryeministrit Nielsen vjen pas deklaratave të fundit të presidentit amerikan Donald Trump se ai dëshiron të marrë kontrollin e vendit të gjerë Arktik.

“Presidenti Trump thotë se Shtetet e Bashkuara po marrin Groenlandën. Më lejoni të jem i qartë: Shtetet e Bashkuara nuk do ta marrin këtë. Ne nuk i përkasim askujt tjetër. Ne e vendosim vetë të ardhmen tonë,” tha Nielsen.

Nielsen, u betua si kryeministri më i ri i Groenlandës të premten e 28 marsit.

Në konferencën e tij të parë për shtyp si udhëheqës, në qytetin e tij të lindjes, Nuuk, ai bëri thirrje për unitet politik për të luftuar presionet e jashtme.

“Në një kohë kur ne si popull jemi nën presion, duhet të qëndrojmë së bashku”, tha ai.

Kujtojmë se të shtunën e 29 marsit, presidenti i SHBA shprehu vullnetin e tij për të marrë Groenlandën.

“Ne do të marrim Groenlandën. Po, 100%”. Megjithëse ka një mundësi të mirë që ne mund ta bëjmë atë pa forcë ushtarake … unë nuk heq asgjë nga tavolina“, tha Trump.

/rtsh.al/