Kina përgatitet për tajfunin Ragasa, evakuon gati dy milionë njerëz

Botë | 1 vit më parë

Kina ka evakuuar gati dy milionë njerëz nga provinca jugore e Guangdong, ndërsa vendi po përgatitet për tajfunin Ragasa. Sipas parashikimeve, në qytetin Zhuahai pritet të bjerë sasia e një muaji reshje.

Në Tajvan, tajfuni Ragasa vrau 14 persona pasi një liqen shkaktoi përmbytje të rënda në lindje të vendit.

Ekuivalenti i një uragani të kategorisë 5, Ragasa është stuhia më e fortë në botë këtë vit.

Provinca Guangdong është ende duke u rikuperuar nga tajfuni Mitag, që goditi disa ditë më parë. Për këtë arsye, autoritetet shqetësohen se pasojat e tajfunit Ragasa mund të jenë më të rëndë për shkak se përmbajtja e lagështisë në tokë tashmë është e lartë dhe aftësia e zonës për të përballuar përmbytje të tjera është dobësuar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.