Kombëtarja e Veteranëve, në turneun miqësor në Istog më 17 maj

Futboll Vendi | 1 vit më parë

Kombëtarja e Veteranëve do të marrë pjesë në turneun miqësor “Futbolli na Bashkon”, që do të zhvillohet më 17 maj në Istog të Kosovës.

Pjesë e këtij turneu do të jenë edhe përfaqësuesja e veteranëve të Kosovës si dhe ekipi FC Kosova nga Brukseli.

Kombëtarja e Veteranëve të Shqipërisë do të luajë dy ndeshje, përkatësisht ndaj përfaqësueses së veteranëve të Kosovës dhe ekipit FC Kosova Bruksel.

Ky turne pritet të jetë një festë e vërtetë futbolli, ku do të marrin pjesë shumë breza ish-futbollistësh të njohur, të cilët kanë shkruar historinë ndër vite dhe do të rikthehen në fushë për t’u bashkuar në këtë aktivitet të veçantë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.