Zgjerimi i korsive të biçikletave në Unazën Lindore të Shkodrës ka hyrë në fazën e përfundimit, duke shtuar një segment të ri të dedikuar për pedaluesit në një nga akset me trafik të lartë në qytet.

Projekti synon ndarjen e qartë të hapësirës mes automjeteve dhe biçikletave, me sinjalistikë horizontale dhe vertikale, si dhe elementë sigurie përgjatë gjithë gjatësisë së këtij segmenti. Sipas përdoruesve të përditshëm, ndërhyrja ka ndikuar në rritjen e sigurisë gjatë lëvizjes.

“Patjetër që ishte e nevojshme sepse kalonim në rrugë të makinave”, tha një qytetar.

“Shumë e nevojshme dhe kanë bërë gjënë më të mirë”, tha një qytetar tjetër.

Zgjerimi i rrjetit të korsive të biçikletave në këtë aks është pjesë e ndërhyrjeve për përmirësimin e infrastrukturës urbane dhe nxitjen e përdorimit të mjeteve alternative. Unaza Lindore konsiderohet një nyje e rëndësishme lidhëse në qytet, dhe përfshirja e korsive të biçikletave në këtë segment pritet të lehtësojë lëvizjen dhe të rrisë sigurinë për të gjithë përdoruesit e rrugës.

Gazetare: M. Gjoni

/rtsh.al/